Rúnar Haukur syngur fyrir Acer

Já er í þessum skrifuðu orðum að fara að syngja fyrir Acer, komst ekki í myndatökuna en mun syngja með alla áhorfendur á Stamford Bridge á skjánum. Fín mæting en eitthvað er athygli áhorfanda á einhverjum kauðum sem eru að hlaupa um í sólini í London og elta bolta.

Jæja þá hefst söngurinn

Garðar Thor syngur fyrir Vogue

Sætt

Ofh hvað ég er ánægður yfir þessu, hef varla sofið af áhyggjum af henni Biddu ( Britney ). Vonandi fer nú að rætast úr öllu hjá henni, hárið að vaxa á ný og hamingjan að heimsækja hana.

En samt merkileg tilviljun að hitta á fólk úr tónlistargeiranum á meðferðarfundunumm, hélt að það væri afar sjaldgæft að það væri í meðferð við hinum og þessum kvillum

 

Britney ástfangin í meðferðinni

Bara fallegri svona

Er hún ekki bara fallegri svona ? eða kanski að segja skárri ...  Hún kemst nú ekki á topplistann hjá mér yfir fallegustu konurnar.

En þar sem Britney klippti/rakaði sig sjálf þá er alveg möguleiki á nýju starfi fyrir hana, því tónlistarferilinn virðist eitthvað ganga brösulega þessa síðustu og verstu.

Hárgreiðslukona firrir sig ábyrgð á klippingu Britneyjar

Flottur Drýsillinn

Já hann er alltaf flottur, hvort sem hann er söngvari í Start, Drýsil, Artz eða Módel ...

Gamann að hann hafi unnið keppnina, var samt að vona að technoið Þú tryllir mig sem Hafsteinn Þórólfsson samdi og söng færi áfram. Held að það hafi verið fínt svona á eftir þungarokkurunum í Lordi sem rokkuðu svo feitt í fyrra. Hef aldrei trú á að lög í anda lagsins sem sigraði árið á undann geri miklar rósir, en Júró hefur löngu sannað að það er gjörsamlega óútreiknanleg keppni.

Eiríkur Hauksson verður fulltrúi Íslands í Helsinki

July Child in time morning

Nokkuð ljóst hvar maður verður ef guð og lukkan lofa þann 27. maí næstkomandi. Sá díparana þegar þeir voru hérna síðast og voru það fínir tónleikar. Alveg til í að sjá þá aftur en skildu Mánar hita upp fyrir díparana og híparana ?

Deep Purple og Uriah Heep halda tónleika saman í Laugardalshöll í maí

Óréttlæti - höfundarréttur

Ef þetta er ekki óréttlæti þá veit ég ekki hvað, hef pirrað mig á þessu síðan skattur var lagður á tóma geisladiska því hugsanlega væri hægt að nota þá fyrir að afrita tónlist eða annað höfundarvarið efni ! Þvílíkt rugl, ég nota ábyggilega hundruð geisladiska á ári og hugsa að ég noti um 10 undir tónlist. Þessir 10 eru notaðir til að taka afrit af keyptum diskum sem  prinsessan á heimilinu notar svo, þannig að ef afritið rispast/brotnar þá er hægt að afrita keypta frumritið aftur.

Spurning að setja skatt á bíla því það er hugsanlega hægt að nota þá í innbrotum, já og jafnvel bankarnir fengju settann skatt á skíðagrímur því þær hafa verið notaðar við bankarán og vissulega verða bankar af peningum þá. Svo það má alveg nota sömu rök og höfundarréttarmafían notar. 

En að ég skuli borga Stef og fleiri höfundarréttarsamtökum gjald þegar ég skrifa drivera ( sem eru ókeypis viðbætur á keyptan hugbúnað ) eða tek öryggisafrit af ljósmyndunum mínum er gjörsamlega óþolandi og erfitt að skila að nokkur maður hafi samþykkt slíkan fasista gjörning að setja þennann skatt á. Maður spáir virkilega í því hvaða ítök höfundarréttarmafían hefur hjá þeim sem ákvaðu að samþykkja þennann skatt.

 

Sannað að viðskiptavinir í verslun heyrðu í útvarpi á kaffistofu