Hvað með að hafa nægilega langt á milli bíla ?

Sá ekki viðtalið við ökumanninn né var á staðnum til að sjá þetta en skv þessu:

"Í fréttum Sjónvarpsins í gærkvöldi gagnrýndi ökumaður bílsins, sem lenti í árekstrinum í göngunum, lögregluna og sagðist ekki hafa séð lögreglubílinn og ekki gert sér ekki grein fyrir því í tæka tíð að bíllinn á undan væri ekki á hreyfingu." í

Er ekki málið að menn fari að hafa nægilegt bil á milli bíla, pirrar mig æði oft að hafa stuðarann á bílnum fyrir aftan mig nánast á dráttarkróknum. Veit ekki með aðra bíla en minn þarf þokkalega langa hemlunarvegalengd til að stoppa ef næsti bíll á undan mér neglir niður .... - kanski eru hinir bara á betri bremsubílum en ég og þá sérstaklega 2-3 tonna jeppar, þeir náttlega punkta strax niður enda enginn skriðþungi þegar þeir eru á 90km.

 

Ofurölvi ökumaður stöðvaður í Hvalfjarðargöngum

Athugasemdir

[Baldvin Esra Einarsson (IP-tala skráð) 28.8.2007 kl. 12:32]

Bíllinn var kyrrstæður. Sé ekki að það hafi verið of lítið bil á milli bílina, nema náttúrulega þegar áreksturinn varð.

[Bjarki Joð (IP-tala skráð) 28.8.2007 kl. 12:53]

Fyrri bíllinn var stopp í beygju og ökumaðurinn á seinni bílnum kemur í beygjunni á venjulegum hraða.

[Jón Spæjó (IP-tala skráð) 28.8.2007 kl. 13:15]

Eitt af því fá sem er óendanlegt í þessum heimi er heimska mannsins.
Þessi tiltekni bílstjóri virðist ekki hafa munað að maður á  ekki að aka hraðar en svo að maður geti stöðvað  á þeim veg búti sem maður sér fyrir framan sig, hvað þá ef um beygju er að ræða. Það er samt kostulegt að hann skuli koma fram fyrir almenning og reyna að kenna lögreglunni um þetta. Svona fólk er kostuglegt.  

[GT (IP-tala skráð) 28.8.2007 kl. 13:31]

36. gr. Ökuhraða skal jafnan miða við aðstæður með sérstöku tilliti til öryggis annarra. Ökumaður skal þannig miða hraðann við gerð og ástand vegar, veður, birtu, ástand ökutækis og hleðslu, svo og umferðaraðstæður að öðru leyti. Hraðinn má aldrei verða meiri en svo að ökumaður hafi fullt vald á ökutækinu og geti stöðvað það á þeim hluta vegar fram undan, sem hann sér yfir og áður en kemur að hindrun, sem gera má ráð fyrir. Þessi klausa er nánast kjarninn í umferðarlögum. Stelpukindin tók sjálf ákveðna áhættu með því að gefa sér að handan beygjunar (sem er reyndar ósköp aflíðandi) væri engin hindrun. Þarna er hámarkshraði 70 og að mig minnir er hemlunarvegalengd úr 70 í 0 um 50 metrar. Þannig hefði hún EKKI átt að vera á 70 ef beygjan bauð ekki upp á 50+ metra sjónlínu og hraðinn tempraður miðað við sjónlínu hverju sinni en EKKI hvernig hún hafi keyrt þarna síðast. Að auki má ætla að í gögnum sjáist vel bjarminn af neyðarljósunum ágætlega – jafnvel áður en í beygjuna er komið. Það virðist vera í mannlegu eðli að leita afsakana fyrir eigin mistök. Þannig veit ég af manni sem keyrði á skyndibitastað en vildi meina að staðurinn hafi verið færður til frá deginum áður. Hann hefði keypt sér þarna pylsu daglega í nokkurn tíma og aldrei áður keyrt á staðinn. Eina “rökrétta” niðurstaðan gat bara verið að staðurinn væri ekki þar sem hann var venjulega. 

Er ekki komið nóg af því að skamma lögregluna? Það sem af er ágúst er búið að bera það upp í fjölmiðlum og á bloggi að hún stundi það að drepa unga drengi, misnotar konur kynferðislega, sinni ekki miðbænum og nú að hún leggji gildrur fyrir bílstjóra. Það mætti ætla að árshátíð fjölmiðlamanna hafi verið böstað að miða við atganginn.

[Guðmundur Ólafsson (IP-tala skráð) 28.8.2007 kl. 14:43]

"Hraðinn má aldrei verða meiri en svo að ökumaður hafi fullt vald á ökutækinu og geti stöðvað það á þeim hluta vegar fram undan, sem hann sér yfir og áður en kemur að hindrun, sem gera má ráð fyrir."

Ég held að það sé þessi feitletraði partur sem skiptir mestu máli í þessu. Eins og ég skil þetta þá sá hún auðvitað bílinn sem hún keyrði á, en hún sá ekki lögreglubílinn. Ef bíllinn fyrir framan er á hreyfingu (eins og mér finnst að gera meigi ráð fyrir í flestum tilvikum í Hvalfjarðargöngunum) þá hefði hún náð að stoppa ef hún hefði séð hann bremsa. Ef hann var stopp þá gæti verið að bremsuljósinn og jafnvel ökuljósin hafi ekki verið á og að hún ekki séð bílinn eða ekki áttað sig á því að hann væri stopp. Það er ekkert víst að hún hafi brotið þessa grein umferðarlaga, ekki vera of fljót að dæma

[Björn (IP-tala skráð) 29.8.2007 kl. 11:37]

Kyrrstæður bíll er ávalt kyrrstæður bíll.  Kyrrstæður bíll er ávalt í rétti, jafnvel þegar honum hefur verið heimskulega lagt, t.d. í blindbeigju.  Þeir sem væla mest undan afskiptum lögreglunnar eru þeir sem skæla mest þegar þeir þurfa sjálfir á henni að halda.