Bullið

„Ferguson er klókur og með mikla reynslu og þetta hefur hann oft leikið. En satt best að segja veit ég ekki hvað var að hugsa með þessu. Ef það þarf að vernda Ronaldo þá þarf líka að vernda Torres og Gerrard í mínu liði og alla snjalla leikmenn í deildinni,“ segir Benítez, sem hefur aldrei fagnað sigri á Old Trafford.

Get nú ekki annað en brosað út í annað að sjá þessa setningu, hvernig getur nokkrum heilvita manni dottið í hug að bera saman Ronaldo og Gerrard ? - auðvitað er Gerrard frábær leikmaður en hæfileikar hans með boltann og taka menn á er svona svipað og hjá Beckham, gæðin liggja ekki í léttleika. Torres er hins vegar leikmaður sem er flinkari með boltann og gæti því verið meira takmark hjá "tæklurum".

Til að stoppa Gerrard þarf bara að standa "kjurr"  og láta hann hlaupa á sig þegar hann setur undir sig hausinn og ætlar að komast áfram sjálfur með boltann. Vona bara að hann reyni það mikið í komandi leik, frekar en nota sendingahæfileikana eða skjóta á markið.

En hvað segja menn með tæklinguna hjá Cole í leiknum á móti Tottenham, var hún eitthvað skárri en tæklingin hjá Taylor á Eduardo, nema að Cole hitti ekki ( sem betur fer ) löppina á leikmanninum. Auðvitað átti það að vera beint rautt og ef menn vilja losna við svona tæklingar þá má hugsa sér leikbann í kjölfarið en auðvitað er slíkt vandmeðfarið. 

Misræmi á milli dómara í svipuðum atvikum og hvernig þeir taka á þeim er það sem pirrar mig mest í fótboltanum, það er svo augljós munur á milli dómara  oft á tíðum. Hver hefur ekki séð ótalmörg dæmi þar sem ekki er flautað nákvæmlega eins á brot eftir því hvort það er inni í vítateig eða úti á miðjum velli.

Held að það væri gott fyrir dómara að koma saman og horfa á upptökur á leik og ræða saman hvernig dómgæslan hafi verið og hvernig eigi að taka á brotum/atvikum í leiknum og horfa á hlutina út frá því ekki einhver tilmæli um að nú skuli taka hart á tæklingum, skriðtæklingum, tæklingum aftanfrá eða hvaða tilmæli hafa komið undanfarin ár. Sumir dómarar fara einfaldlega af límingunum yfir atriðum sem falla undir tilmælin meðan aðrir á stundum virðast huga ég læt sko ekki skipa mér fyrir hvernig ég dæmi og sleppa þeim atriðum frekar.

Megi besta liðið vinna ensku deildina

Taugastríðið hafið fyrir leik United og Liverpool

Athugasemdir

[Þorsteinn Þormóðsson, 21.3.2008 kl. 11:51]

Þetta er svolítið fyndið hjá þér!! Til að stoppa Gerrard þarf bara að standa "kjurr"!! Það þarf nefnilega ekkert til að stoppa Ronaldo, því hann sér venjulega um það sjálfur!!!

[Guðmundur Halldórsson, 21.3.2008 kl. 14:08]

Alveg sammála þér. Ekki dettur mér í hug að bera saman hörktólið Gerrard og smástelpuna Ronaldo! Ég er viss um að mellurnar sem Ronaldo er með í áskrift eru harðari af sér en hinn ólæsi Portúgali!

[Rúnar Haukur Ingimarsson, 21.3.2008 kl. 16:24]

Guðmundur - rosalega ertu nú eitthvað málefnalegur

Þorsteinn, eins gott að Ronaldo sér um að stoppa sig sjálfur, annars væri hann sennilega búinn að skora yfir 50 mörk

[Guðmundur Halldórsson, 21.3.2008 kl. 16:32]

Já, ég átti von á því að þessi málflutningur minn félli vel í kramið hjá þér enda á svipaðri línu og það sem ég hef lesið á þessari síðu.

[Rúnar Haukur Ingimarsson, 21.3.2008 kl. 16:38]

Guðmundur - ég er að tala um fótbolta hérna en þú

[Guðmundur Halldórsson, 21.3.2008 kl. 16:44]

Já, einmitt. Ég er alveg á sömu línu :)

[Rúnar Haukur Ingimarsson, 21.3.2008 kl. 16:46]

jájá.................

[Páll Jóhannesson, 24.3.2008 kl. 09:45]

Jæja hverjir spiluðu svo eins og kerlingar í gær?