Ferrari stjórnar formúlunni

Setjum dæmið upp þannig að gulldreingur þeirra rauðu frá Ítalíu, hinn þýski sjúmakkker hefði ekið í stað Hamilton- þá er borðleggjandi að ekkert hefði verið gert. Hann komst upp með allt nema mannsmorð ( rámar samt ekki að að hann hafi reynt það en nánast allt annað ) á brautinni og aldrei mátti hreyfa við honum gulldrengnum.

Núna er kominn annar snillingur fram á sjónarsviðið og þar sem hann er ekki að aka rauðum bíl þá skal nota dómstólana og allt sem hægt er til að stöðva hann - þetta er sorglegt og ekki formúlunni til framdráttar.

Sigur dæmdur af Hamilton

Til hamingju ísland

Er ekki við hæfi að óska þjóðinni til hamingju með strákana okkar, glæsilegt að sjá alla sem mættu og hylltu þá í dag. Alveg frábært hjá þeim sem skipulögðu móttökuna alveg frá yfirfluginu og niður Skólavörðustíginn og niður á svið. Eitt fannst mér að vísu að hefði mátt missa sín, það voru allir stjórnmálamennirnir. Voru þeir ekki flestir búnir að hitta þá áður þarna á einhverjum ..stöðum eða húsi (man ekki hvað það heitir ) í nágrenninu. Til hvers að fá nýjan borgastjóra uppá svið sem og hina stjórnmálamennina.

Vantaði svo alveg að sjá gömlu handboltakempurnar syngja lagið, ég sá þá í að minnsta ekki í sjónvarpinu.. En hvað um það þetta var frábært og strákarnir áttu þetta sannarlega allt skili sem og að verða fálkar og Óli yfirfálkann

Til hamingju ísland

 

Ha - 50 millur

Mér dettur varla í hug að HSI hafi sent landsliðið á leikana án þess að eiga krónu fyrir því, en miðað við þær safnanir sem hafa verið í gangi þá læðist nú að manni sá grunur. Enda er sagan ekki hliðholl handknattleikssambandinu, man ekki öll þau skipti sem það hefur þurft að safna fyrir þá. Á meðan eru önnur sérsambönd að draga lið úr mótum vegna peningaskorts, þar eru menn að sýna ráðdeild en ekki eyða um efni fram. 

Finnst þetta skjóta svolítið skökku við, í raun verið að verðlauna HSI fyrir að veðja á árangur á leikunum skítt með þó að það kosti eitthvað því þeim verður reddað. Eiga hin sérsamböndin að gera slíkt hið sama ?

Þekki vel til í rekstri og peningaleysi hjá íþróttafélögum þar sem menn hafa verið að hætta að vera með rassvasabókhald og vinna hlutina af fagmennsku og halda sig við fjárhagsáætlanir og draga úr umsvifum þegar ekki eru til peningar. 

Þess vegna er ansi skrítið að menntamálaráðherra og um leið íþróttamálaráðherra klappi HSI á bakið fyrir þetta, svolítið röng skilaboð finnst mér.

En ekki misskilja mig, ég gleðst svo sannarlega yfir þessum árangri og strákarnir eiga allt gott skilið.

HSÍ fær 50 milljónir

Útsala ?

Ljóst er að það þarf að hrista upp í þessu liði, eins og þarna eru margir snillingar þá gengur það voða lítið. Sannast að þú vinnur ekki alltaf með því að spila bara dúkkubolta, það vantar þarna drífandi miðjumenn ekki bara "boltaklappara"

Vandinn er kanski líka meira sálfræðilegur eða stjórnunarlegs eðlis, allt of mikið af prímadonnum sem líta á sig sem stjörnu og vilja alltaf vera í sviðsljósinu og klappa boltanum.  Vinnusemi í þeim leikjum sem ég hef séð með þeim er voða lítil, gæti kanski lært svolítið af því að horfa enska boltann á æfingum í stað þess að hugsa meira um hvernig hárgreiðslan er og brosa framan í myndavélarnar.

Barcelona hyggst selja tíu leikmenn

Var formúla í dag ?

Alveg er formúlan að deyja drottni sínum síðan hún hvarf af Rúv, menn verða að átta sig á að magn klukkutíma í útsendingum og endurteknu efni er ekki alltaf af hinu góða. Það eru svo oft útsendingar ( beinar og endurtekningar ) og upphitanir og hvað þetta allt saman heitir að maður missir loksins af þegar kappaksturinn er. Hef miklar efasemdir um að það sé mikið áhorf á allar þessar útsendingar sem eru á Sýn eða Sport2 eins og hún heitir víst.

Räikkönen öruggur - Ferrari fagnar margfalt

Lífshættulegt

Úff gott að maður átti ekki hagsmuna að gæta þarna, efast um að pumpan hefði þolað það að eiga eitthvað undir í leiknum

Gott að vera bara áhorfandi heima í stofu, en þvílík auglýsing fyrir körfuboltann sem þessi leikur var - tær snilld. Verður oftar og oftar hugsað til þess hvernig maður "nennir" að glápa alltaf á fótboltaleiki þar sem harla lítið gerist - og svo þvílíkt aksjón sem maður upplifir í skemmtilegum körfuleikjum.

Karfan er íþróttin, endanlega sannað fyrir mér í kvöld, ..... hugsa samt að ég horfi á upptöku af mínum mönnum í United vinna Arsenal síðasta sunnudag á eftir. En veit svo sem fyrir víst að það verður ekki jafn gaman og að horfa á körfuleikinn í kvöld.

Til hamingju Snæfell og Grindvíkingar eiga hrós skilið fyrir sinn part í þessum frábæra leik. 

Snæfell í úrslit eftir frábæran endasprett

Hvar var þessi flotta stöð sem skipti um nafn ?

Já lýsi hér með eftir sýn eða stöð2sýn2 eða hvað hún heitir þarna sem telur sig bestu íþróttastöðina og þá hljóta þeir að vera með bestu íþróttafréttamennina eða hvað ?

Hvar var umfjöllun um leik Þórs og Keflavíkur sem fram fór í gær ? jú úrslitin voru talin upp eins og í leik hjá hvaða sveitaliði úti í heim ekki að þar hafi farið fram leikur í úrslitakeppni Iceland Express deildarinar sem þeir gera ágætlega í þar að segja ef leikirnir fara fram innan seilingarfjarlægðar frá höfuðstöðvunum ...

Skyldu þeir ekki vita að það eru til kvikmyndatökuvélar á Akureyri ?

Vonandi hafa þeir samt séð að Ríkissjónvarpið er búið að fatta það að hægt er að taka upp lifandi myndir á Akureyri árið 2008 og RÚV gerði leiknum betri skil en besta íþróttastöð í heimi og þeirra fylgifiskar.

Aular  

Og svo til að undirstrika aulaskappinn þá var íþróttafréttamaður á stöð2 ( held að það heiti það ) að tala um að Totti verði ekki með í leiknum í meistaradeildini á Old Trafford sem fram fer þann 9. apríl ef menn voru ekki vissir.. hann veit kanski ekki að leikurinn á morgun er í Rom og Totti verður sennilega ekki með þar, en kanski veit hann meira en forráðamenn Roma um leikástand Totti fyrir seinni leikinn á Old Trafford þann 9. næstkomandi...

Ennþá meiri aular

KR tryggði sér oddaleik í framlengingunni

HSÍ - Brandarar

Enn eru HSÍ menn og nefndir á þeirra frekar fyndnar...

Þetta virkar greinilega þannig hjá þeim að dómarar eru dómarar í eigin sök, því þeir ráku Andra útaf en svo þegar þeir fóru yfir þetta þá dæma þeir sem sagt að þeir hafi gert mistök - á ekki aganefnd eða eftirlitsdómari að dæma um þetta ekki dómararnir sjálfir ?

Auðvitað geta allir gert mistök, en af hverju þurfti þetta þá að fara til aganefndar ef þeir sáu að þeir gerðu mistök, auðvitað á eftirlitsdómari að gefa skýrslu um málið ekki dómararnir sjálfir, nema þeir séu beðnir um það af eftirlitsdómara eða félög mótmæli eða eða fari fram á endurskoðun á spjaldi eða atviki sem dómurum yfirsést.

Finnst mönnum svo skrítið að áhorf á handbolta sé að minka, HSI skiptir um mótaplan eins og aðrir um nærbuxur og menn vita varla hvernig mótið spilast nema vera leikmenn eða stjórnarmenn í deildunum, hinn almenni handboltaáhugamaður er alveg týndur.

Þarf að stokka HSI-ið upp og alla starfsemi þar, hvernig stendur líka á því að maður eins og Geir Sveins uppgötvar allt í einu eftir 4 daga viðræður við HSI að hann hafi ekki tíma til að vera landsliðsþjálfari ? sérstaklega þar sem rætt hefur verið um að starfið sé aðeins 50% starf. 

 

Andri Berg fer ekki í leikbann

Reyna að landa einum sigri

Held að það sé raunhæft að reyna að ná sigri á heimavelli gegn "Makalausudónunum" eða FYR Macedonia eins og þeir heita á frummálinu. Þeir eru að vísu nokkuð fyrir ofan okkur á heimslistas FIFA eða í 59. sæti meðan við rétt sleppum við þriggja stafa tölu og erum í 89.

Ólafur: „Ég veit nákvæmlega ekkert um Makedóníu“

Enn er von

Eða hvað ?  Er ekki formúlan að setja stórkostlega niður þetta keppnisstímabil. Helstu fréttir af formúluni eru njósna og kærumál. Það þarf að stokka þetta allt saman upp fyrir næsta tímabil, hætta þessu rugli sem er í gangi.

En við Hamilton menn gefumst ekki upp fyrr en við vinnum, sama hvern og hvað við þurfum að kæra - allt sem við getum svo Ferrari verði ekki sigurvegarar

Rannsókn á bensínsýnum gæti breytt úrslitum brasilíska kappakstursins